एजेन्सी । फिफा विश्वकप २०२२ अन्तरगतको प्ले अफको सेमिफाइनल खेलमा नर्थ म्यासेडोनियासँग स्तब्ध हुदै इटालीले विश्वकपमा स्थान बनाउन असफल भएको छ ।
युरो २०२० को विजेतासमेत रहेको इटाली नर्थ म्यासेडोनियासँग १–० ले पराजित हुदै इटाली विश्वकपमा छनोट हुन असफल भएको हो ।
एलेक्सान्डर ट्राजकोभ्स्कीले गरेको गोल नै नर्थ म्यासेडोनियाको जितमा निर्णायक बन्यो ।
अब नर्थ म्यासेडोनियाले विश्वकपमा छनोट हुन प्ले अफको फाइनलमा २९ मार्चमा पोर्चुगलसँग खेल्नेछ । यता, पोर्चुगलले भने बिहीबार राति नै टर्कीलाई ३–१ ले पराजित गर्दै विश्वकपको छनोट नजिक पुगेको छ ।
