• ११ जेष्ठ २०८१, शुक्रबार
  •      Fri May 24 2024
  •   Unicode
Logo
Latest
★   संसदलाई विधिसंगत रुपमा छलफलको केन्द्र बनाऔं: सभामुख घिमिरे ★   व्यावसायिक चियाखेतीसँगै पर्यटन प्रवर्द्धनमा भोजपुरका रञ्जित ★   कांग्रेसको अवरोधपछि प्रतिनिधिसभाको बैठक स्थगित ★   धावनमार्गमा खाल्डो परेपछि त्रिभुवन विमानस्थल ४५ मिनेटको लागि बन्द ★   कार्यदल बैठक सकारात्मक रुपमा अघि बढिरहेको छ: महेश बर्तौला ★   सिरोहियालाई साधारण तारेखमा छोड्न माग गर्दै जनकपुरका मेयर धर्नामा ★   कार्यदल बैठकमा आज पनि जुटेन सहमति ★   टी-२० सिरिजमा अमेरिकाले दोस्रो खेलमा पनि बंगलादेशलाई हरायो ★   नेपाल प्रहरीले आफ्नो दायित्वलाई कुशलतापूर्वक निर्वाह गर्दै आएको छ: प्रधानमन्त्री ★   संसद् भवनमा विपक्षी दलको बैठक सुरु

विज्ञापन आचारसंहिता नियन्त्रण गर्ने नभइ नियमनको लागि: अध्यक्ष लक्ष्मण हुमागाँई



काठमाडाैं । विज्ञापन बोर्डका अध्यक्ष लक्ष्मण हुमागाँईले विज्ञापनसम्बन्धी आचारसंहिता सञ्चारमाध्यमहरुलाई नियन्त्रण गर्ने नभइ नियमनको लागि बनाइएको बताउनु भएको छ ।बिहीवार विभिन्न सञ्चारमाध्यमसँगको छलफलपछि अध्यक्ष हुमागाँईले यस्तो बताउनु भएको हो । उहाँले विज्ञापनसम्बन्धी आचारसंहिताले विज्ञापन बजारमा देखिएका विकृति र विसंगतिहरुलाई अन्त्य गर्न सहयोग गर्ने बताउनु भयो ।

अध्यक्ष हुमागाँईले आचारसंहिताले विज्ञापन बजारलाई पारदर्शी बनाउने बताउनु भयो । उहाँले आजको छलफलमा विज्ञापन दाताहरुलाई छनोटको सुविधा उपलब्ध हुनुपर्ने र उपभोक्ताहरुलाई प्रतिकुल हुने गरी विज्ञापन गर्न नहुने विषयको बारेमा छलफल गरिएको बताउनु भयो ।अध्यक्ष हुमागाँईले भन्नुभयो, ‘विज्ञापन बोर्डले अहिले विज्ञापनको आचारसंहिता सम्बन्धमा सरोकारवालाहरुसँग छलफल गरिरहेको छ । खास गरेर विज्ञापन चक्रमा सहभागी, विज्ञापनदाता, विज्ञापन एजेन्सी, सञ्चारमाध्यम र उपभोक्ता, यो चार पक्षसँगको छलफलका क्रममा अहिले हामीलाई केही महत्वपूर्ण सुझावहरु प्राप्त भएका छन् । विज्ञापन एजेन्सीहरुले सञ्चारमाध्यमसँग पठाउँदा कुन विधि अपनाउने ? सञ्चारमाध्यमहरुले कसरी त्यसको प्रशारण गर्ने ? उपभोक्ताको हितलाई कसरी संरक्षण गर्ने ? भन्ने विषयमा नै हामीले छलफल केन्द्रित गरेका छौँ ।

विज्ञापनको आचारसंहिताले विज्ञापनको गुणस्तर वृद्धि गर्न, विज्ञापन बजारको नियमन गर्न, विज्ञापन बजारमा देखिएका विकृति र विसंगतिहरुलाई अन्त्य गर्नको लागि मद्दत गर्छ भन्ने हामीलाई लागेको छ । विज्ञापन आचारसंहिता विज्ञापन बजारलाई अंकुशन गर्न, संकुचन गर्न, निण्न्त्रण गर्नको लागि आएको होइन, यसले खास गरेर विज्ञापन बजारमा भएका केही गलत प्रवृत्तिहरुलाई अन्त्य गर्न र विज्ञापन बजारलाई व्यवस्थित पारदर्शी बनाउनको लागि आएको हो । यसको मुख्य मोटो भनेकै विज्ञापन बजारलाई पारदर्शी बनाउनु हो । विज्ञापन दाताहरुलाई छनोटको सुविधा उपलब्ध हुनुपर्ने र उपभोक्ताहरु त्यसबाट ठगिनु नहुने वा उपभोक्ताहरुलाई प्रतिकुल हुने गरी विज्ञापन गर्न नहुने विषय नै मुख्य जोड हो ।’

अध्यक्ष हुमागाँईले केही सञ्चारमाध्यमहरुलेआफू स्वनियममा बस्छु भनेपनि आफूखुशी विज्ञापनका दररेटहरु कायम गर्ने गरेको बताउनु भयो । उहाँले समस्या विज्ञापन एजेन्सीमा मात्र नभएको भन्दै सञ्चारमाध्यम र विज्ञापन दातामा पनि समस्या भएकोले यसलाई नियमन गर्न कुनै एक  पक्षको मात्रै सहभागिताले सफल नहुने बताउनु भयो ।