काठमाडौ । रुसद्वारा युक्रेनमाथिको आक्रमणको विरोधमा बिहिबार अमेरिकी राजदूत सहित केही कुटनतिज्ञहरुले बौद्धस्तूपमा दिप प्रज्वलन गर्नुभएको छ । बौद्धनाथ स्तूपमा अमेरिकी राजदूत र्यान्डी बेरी, युक्रेनका लागि अवैतनिक महावाणिज्यदूत किरण वैद्य र नेपालस्थित विभिन्न कूटनीतिक नियोगका प्रमुखहरू भेला हुनुभएको थियो ।
भेलामा युक्रेनका जनता, त्यहाँको सार्वभौमसत्ता र त्यहाँको भौगोलिक अखण्डताप्रति अमेरिका, संयुक्त अधिराज्य बेलायत, नर्वे, फिनल्याण्ड, युरोपेली संघ, अष्ट्रेलिया, न्यूजिल्याण्ड, स्विट्जरल्याण्ड, जर्मनी, जापान, दक्षिण कोरिया, इजरायलका राजदूतहरू, अन्तर्राष्ट्रिय श्रम संगठनका निर्देशक, तथा न्युजिल्यान्ड, र लात्भियाका अवैतनिक महावाणिज्य दूतहरू आआफ्नो समर्थन जाहेर गर्नु भएको थियो ।
उनिहरुले आक्रमणको एक हप्तामा ज्यान गुमाएका व्यक्तिहरूको सम्झनामा मैनबत्ती बालेर मौनधारण गर्नुभएको थियो । कार्यक्रममा युक्रेनी राष्ट्रगान 'युक्रेन अझै नष्ट भएको छैन' बजाइएको थियो भने विभिन्न राजदूतहरूले युक्रेनी राष्ट्रपति भोलोडिमिर जेलेन्स्कीले विगत सात दिनमा गरेका विद्रोही भाषणका अंशहरू पढेर सुनाउनुभएको थियो।
