काठमाडौं । अभिनेत्री रेखा थापाले आफूहरुको चरित्र हत्या भएको भन्दै प्रहरीमा उजुरी दिएकी छिन् ।
थापाको तर्फबाट उनकी दिदी तारा थापाले ए वान मिडियाविरुद्ध उजुरी दर्ता गराएकी हुन् ।
आफूसहित ऋचा शर्मा लगायत नायिकाहरुलाई युट्युबमा तथानाम गालीगलौज गरेको भन्दै साइबर ब्युरोमा रेखाले उजुरी दिएकी हुन् ।
पल शाहविरुद्ध बलात्कारको जाहेरी दिएकी नाबालिक पीडितको पक्षमा बोलेको भन्दै अभिनेत्री थापालाई गालीगालैज गरिएको उजुरीमा उल्लेख छ ।
यसैबीच, ए वान मिडिया दर्ता भए नभएको जानकारी दिन प्रेस काउन्सिललाई पत्रचार गरिएको प्रहरीले जनाएको छ ।
