काठमाडौं । प्रधानन्यायाधीश चोलेन्द्रशमशेर जबराले आजका लागि बोलाएको सर्वोच्च अदालतको फुलकोर्ट बैठक स्थगित भएको छ ।
सर्वोच्चका १४ जना न्यायाधीशले बहिष्कार गरी छुट्टै बैठक बसेपछि फुलकोर्ट बैठक बस्न नसकेको हो ।
प्रधानन्यायाधीश जबराले आफ्नो कार्यक्षमता र न्यायालयका विषयमा उठेका सबै विषय फुलकोर्टमै छलफल हुने बताउनुभएको थियो ।
यसैबीच १४ न्यायाधीशको छुट्टै बैठक बसिरहेको छ । बैठकले अब कसरी अघि बढ्ने भन्ने निर्णय लिने बताइएको छ ।
