पोखरा । नेकपा एमाले निकट अनेरास्ववियुको गण्डकी प्रदेश कमिटिले प्रदेशबाट दुई स्वयंसेवी अभियान शुभारम्भ गरेको छ ।
‘म अखिल’ र ‘अखिल हेल्पलाईन’ अभियान सोमबारदेखि सुरु गरिएको अखिल गण्डकीका संयोजक प्रकाश पौडेलले जानकारी दिए ।
अनेरास्ववियु गण्डकी प्रदेशले बृहत विद्यार्थी भेला आयोजना गरी नेकपा एमाले स्थायी कमिटी सदस्य तथा गण्डकी प्रदेश संयोजक किरण गुरुङबाट यो अभियान सुरु गरिएको छ ।
नागरिक र विद्यार्थीको गुनसोलाई मध्यनजर गर्दै ह्वाटस एप्स र भाइबर मा ९८४६५७०१५६ नम्बर एक्टिभ बनाइ अखिल हेल्पलाइन प्रारम्भ गरिएको हो ।
