काठमाडौं । सहिद स्मारक 'ए' डिभिजन लिग फुटबल अन्तर्गत संकटा क्लब र हिमालयन शेर्पा क्लबले बराबरी खेल्दै अंक बाँडेका छन् ।
त्रिपुरेश्वरस्थित दसरथ रंगशालामा शनिबार भएको खेलमा दुबै टिमले १–१ गोलको बराबरी खेलेका हुन् ।
खेलको ६० औं मिनेटमा लक्ष्मण रुचालले गोल गर्दै संकटालाई सुरुवाती अग्रता दिलाएका थिए ।
सुवास गुरुङको क्रसमा हिमालयनका गोलकिपर दीप कार्कीले बल समात्न नसक्दा बल फुस्काउन पुगेका थिए जसको सदुपयोग संकटाका रुचालले गरे ।
यस्तै खेलको ६४ औं मिनेटमा त्रिदेभ गुरुङले गोल गर्दै हिमालयनलाई १–१ गोलको बराबरीमा ल्याए । जीवन गुरुङको क्रसमा त्रिदेभले हेड मार्फत गोल गरेका हुन् ।
