• १० मंसिर २०७९, शनिबार
  •      Sat Nov 26 2022
Logo

फ्राइडे रिलिजमा ‘लभ यु बाबा’



यो साताको फ्राइडे रिलिजमा ८ बर्षे निर्देशक सौगात बिष्ट निर्देशित चलचित्र ‘लभ यु बाबा’ सार्बजनिक प्रदर्शनमा आएको छ । बुधबार प्रिमियर शो हेरे पछी अधिकांश चलचित्रकर्मीले सौगातको कामको खुलेरै प्रसंशा गरेका थिए । सोलो रिलिजको मौका पाएको ‘लभ यु बाबा’ले बलीउड चलचित्रबाट पनि मुक्ति पाएको छ । अर्थात आज नेपालका सिनेमा घरहरुमा ‘लभ यु बाबा’ बाहेक अन्य कुनैपनि नेपाली र हिन्दी चलचित्र प्रदर्शनमा आएका छैनन् ।

चलचित्रका निर्देशक बिष्ट गिनिज बुक अफ वर्ल्ड रेकर्डमा नाम दर्ता गराउने तयारीमा छन् । यस अघि हलीउड सिनेमा निर्देशन गरेका ९ बर्षका बालक सबैभन्दा कान्न्छा चलचित्र निर्देशकको रुपमा गिनिज बुकमा नाम लेखाएका थिए । सौगात उनी भन्दा एक बर्ष कम उमेरका भएकोले कान्छा निर्देशकको रुपमा गिनीज बुकमा नाम लेखाउने प्रबल सम्भाबना रहेको छ ।

चलचित्र ‘लभ यु बाबा’ले बाबु र छोरी बीचको प्रेमको कथा बोल्छ । जहाँ गजित र सौगातकी बहिनी संगम बिष्ट लिड रोलमा छन यी दुईसँगै निश्मा घिमिरे, अशिष्मा नकर्मी लगायतका कलाकारको पनि पनि अभिनय रहेको छ ।