इन्डोनेसिय, २८ मंसिर । इन्डोनेसियाको जाभा द्वीपको मध्य भागमा पर्ने बाङ्जानेगारा जिल्लामा गत शुक्रबार गएको पहिरोमा परी मर्ने व्यक्तिको सङ्ख्या २० पुगेको अधिकारीहरुले आइतबार जानकारी दिएका छन् ।
अबिरल वर्षापछि शुक्रबार अबेर राति गएको यस पहिरोमा परी २० व्यक्तिको मृत्यु हुनुको साथै अन्य ८० भन्दा व्यक्ति हराइरहेका राष्ट्रिय प्रकोप व्यवस्थान निकायका प्रवक्ता सुतोपो पुर्वो नुङ्रोहोले बताए । जाभा द्वीपको जेमब्लुङ्ग गाउँमा गएको यस पहिरोबाट बालबालिकासहित १२ घरपरिवारका व्यक्तिहरु पुरिएका नुङ्रोहोले बताए ।
नुङ्रोहोका अनुसार पहाडी इलाकामा पर्ने यस इलाकामा यस पहिरोमा २४ घण्टा पछाडीसम्ममा २० व्यक्तिको मृत्यु हुनुका साथै अन्य ८८ जना अझै बेपत्ता रहेका छन् ।
यस प्रकोपको क्रममा १५ जना व्यक्तिहरु गम्भीर घाइते भएका र ती मध्ये अन्य ११ जना अवस्था गम्भीर रहेको जनाइएको छ । पहिरो प्रभावित यस क्षेत्रबाट ५७७ व्यक्तिलाई अस्थाई शरणार्थी स्थलमा विस्थापित गरिएको बताइएको छ ।
सैनिक, प्रहरी, स्थानीय र उद्धार अधिकारीहरुको सहयोगमा जारी यस उद्धारकार्यमा करिब एक हजार २५० व्यक्तिको उद्धार गरिएको बताइएको छ ।
