• १४ बैशाख २०८१, शुक्रबार
  •      Fri Apr 26 2024
  •   Unicode
Logo
Latest
★   राप्रपाले निकाल्यो देशभर मसाल जुलुस, गृहमन्त्रीको राजीनामा माग (फोटो फिचर) ★   आमा को हुन् ?  ★   सबैभन्दा धेरै रेमिट्यान्स भित्र्याउने बैंकमा ग्लोबल आइएमई सम्मानित ★   ‘पूर्ण बहादुरको सारङ्गी’मा गायक तथा कलाकार प्रकाश सपुत अनुबन्धित ★   ‘बोक्सीको घर’ प्रदर्शनमा, उत्साहजनक ओपनिङ ★   बहुआयामिक व्यक्तित्व पूर्वमुख्यसचिव स्वर्गीय शाक्य  ★   वन डढेलो र आगलागी नियन्त्रणका लागि सकृय बन्न ७७ वटै जिल्लाका प्रमुख जिल्ला अधिकारीलाई गृहमन्त्रीको… ★   किसानको पीडा: आगोले गहुँबाली खायो, अब हामीले के खाने ! ★   इलाम २ उपनिर्वाचन: ४८० सेना, सशस्त्र प्रहरी ७१० र १३ सय ६३ जना नेपाल प्रहरी… ★   मेयर बालेनले ल्याए कविता संग्रह

रोपाइँ महोत्सवको तयारी तीव्र



पोखरा–१३ काहुँ खोलास्थित कमलपोखरी बुढुवाको फाँटमा गरिने ११ औं रोपाइँ महोत्सवको तयारी तीव्र पारिएको गरिएको आयोजक पोखरा पर्यटन परिषद्ले जनाएको छ । महोत्सवले पोखरामा आन्तरिक तथा बाह्य पर्यटक प्रवद्र्धन गर्न सघाउने आयोजकको विश्वास छ ।

काहुँ खोला रोपाइँ महोत्सव स्थानीय समितिका संयोजक रामु गौतमका अनुसार स्थानीय लोकबहादुर कार्कीको खेतमा “हिलोमा एकपटक टेक्नुपर्छ है” र “पोखरा सबै मौसमका लागि उपयुक्त” भन्ने नारासहित आयोजना हुने महोत्सवले पोखरामा आन्तरिक तथा बाह्य पर्यटक प्रबद्र्धनमा सघाउने गौतमले बताउन्भयो ।
महोत्सवमा विभिन्न महिला तथा आमा समूहले प्रतिस्पर्धात्मक रुपमा हिलो खेल्दै धान रोप्ने र विदेशी पर्यटकले पनि खेतालाको भूमिकामा काम गर्नेछन् । महोत्सवमा साउने प्रतियोगिता, असारे गित सँगै रोपाइँ माछा समाउने, रस्साकस्सी, हिलो दौड पनि गराइने संयोजक गौतमले जानकारी दिनुभयो । पोखरा र आसपास क्षेत्रमा हरेक वर्ष फरक–फरक ठाउँमा गरिदै आएको महोत्सवले खेतीयोग्य जमिनलाई संरक्षण गर्ने तथा जनचेतना फैलाउने परिषद्का महासचिव चिरञ्जीवी पोखरेलले बताउनुभयो । अघिल्लो वर्ष यो महोत्सव लेखनाथ नगरपालिकाको बेगनास किनारमा आयोजना गरिएको थियो ।