एजेन्सी । पाकिस्तानको संसदमा शुक्रबार सांसद र पत्रकारको जुत्ता चोरी भएको छ । पाकिस्तानी मिडिया द एक्सप्रेस ट्रिब्यूनको रिपोर्ट अनुसार सांसद, पत्रकार र संसदका कर्मचारी शुक्रबारको नमाज पढ्न कम्प्लेक्समा रहेको मस्जिदमा गएका थिए ।
मस्जिदबाट बाहिर निस्कँदा उनीहरुको जुत्ता चोरी भएको थियो । चोरहरूले २० जोडी जुत्ता लिएर गए । त्यसपछि सांसद खाली खुट्टा संसदमा फर्किए । राष्ट्रिय सभाका अध्यक्ष सरदार अयाज सादिकले यस विषयमा छानबिन गर्न आदेश दिएका छन् ।
एक्सप्रेस ट्रिब्यूनका अनुसार संसदमा उपस्थित सुरक्षा अधिकारीहरू नमाजको समयमा आफ्नो स्थानमा तैनाथ गरिएको थिएन । सभामुखको आदेशपछि सहसचिव र वरिष्ठ प्रहरी अधिकारीले यस विषयमा छानबिन गर्नेछन् । सीसीटीभी फुटेजबाट आरोपीको पहिचान गर्ने प्रयास भइरहेको बताइएको छ ।
पाकिस्तानका रक्षामन्त्री ख्वाजा आसिफले यस चोरीको पछाडि भिखारी माफियाको हात रहेको आशंका व्यक्त गरेका छन् ।