दिल्ली । भारतको राजधानी नयाँ दिल्लीमा रहेको ल्याण्डफिल क्षेत्रमा आगलागी भएको छ । सो क्षेत्रबाट बाक्लो धुवाँ र आगोको मुस्लो निस्किएको स्थानीयहरुले बताएका छन् । आगो निभाउने कार्य चलिरहेको छ ।
आईतवार साँझदेखि ल्याण्डफिल साइटमा आगलागी जारी छ । यसैबीच ल्याण्डफिलबाट निस्कने विषाक्त धुवाँले स्थानीय बासिन्दाहरूलाई सास फेर्न अफ्ठ्यारो भएको छ । आगलागीको कारण खुल्न नसकेको भए पनि घटनामा संलग्न अज्ञात व्यक्तिहरु विरुद्ध कानुनी कारबाही अघि बढाएको अधिकारीहरुले जनाएका छन् ।
दिल्ली फायर सर्भिस डिपार्टमेण्टका अनुसार फोहोरको थुप्रोमा मिथेन मिसिएको कारणले ल्याण्डफिलमा आगो लागेको हो । अधिकारीहरूले आगलागीको कारण तातो र सुख्खा मौसमलाई दोष दिएका छन् ।
