काडमाडौं, साउन ३०,
अखिल नेपाल फुटबल संघ (एन्फा) ले भारतविरुद्धको मैत्रीपूर्ण फुटबल खेलका लागि ३० सदस्यीय राष्ट्रिय टोलीको घोषणा गरेको छ ।
विगत एक महिनादेखि अभ्यासरत ४५ खेलाडी मध्येबाट पहिलो चरणमा ३० जना खेलाडी छनौट गरिएको हो । ३० सदस्यीय प्रारम्भिक टोलीको तीन जना गोल रक्षकहरु किरण चेम्जोङ्, विकेश कुथु र रितेश थापा रहेका छन् । यस्तै, डिफेन्डरमा सागर थापा, सन्दिप राई, रोहित चन्द, विराज महर्जन, रविन श्रेष्ठ, जितेन्द्र कार्की, रञ्जित धिमाल, अनन्त तामाङ, आदित्य चौधरी र अजित भण्डारी छन् । त्यस्तै मिडफिल्डरमा भोलानाथ सिलवाल, हेमन्त थापा मगर, राजु तामाङ, श्याम नेपाली, सुशील केसी, विश्वास श्रेष्ठ, विशाल राई र विक्रम लामा छन् । त्यसैगरी फरवार्डमा अनिल गुरुङ, जुमानु राई, भरत खवास, अन्जन विष्ट, विमल घर्तीमगर, भरत शाह र नवयुग श्रेष्ठ छन् । नेपाली टोलीको प्रशिक्षकको जिम्मेवारी भने ध्रुव केसीलाइ दिइएको छ । नेपाली टोलीले भारतसँग आगामी आगामी भदौ १४ गते भारतको पुनेमा मैत्रीपूर्ण खेल खेल्दैछ । भारतविरुद्धको मैत्रीपूर्ण खेललाई नेपाली टोलीले आसन्न साफ च्याम्पियनसीप फुटबल प्रतियोगिताको तयारीको रुपमा हेरिएको छ ।
