• १ असार २०८१, शनिबार
  •      Sat Jun 15 2024
  •   Unicode
Logo

प्रचण्डलाई झापामा महाधिबेशन गर्न एमाले अध्यक्ष ओलीको निम्ता



काठमाडौं । नेकपा एमालेका अध्यक्ष केपी शर्मा ओलीले चितवनमा  महाधिबेशन गर्दा अरु नेताहरु लाई नआत्तिन सुझाब दिनुभएको छ । मंगलबार सम्पादक तथा सञ्चारकर्मीहरुसँग अन्तरक्रिया कार्यक्रममा ओलीले भन्नुभयो 'कोही नेताहरुले कहाँ कहाँ चुनाब लड्दै हिड्छन् त्यहाँ महाधिबेशन गर्न नमिल्ने हो र ? ' उहाँले भन्नुभयो ‘हामी हाम्रो पार्टीको महाधिवेशन गर्दैछौं । प्रचण्डजीले  झापा आएर महाधिबेशन गर्दा हुन्छ । मेरै निर्वाचन क्षेत्र दमकमा आएर गर्नुस् न ।’

माओवादी केन्द्रका अध्यक्ष पुष्पकमल दाहालले चितवनमा महाधिबेशन गरेर आफुलाई चुनौती दिन खोजेको बताउदै आउनु भएको छ । दाहालको चिन्ता प्रति ओलीले भन्नुभयो 'उहाँ कहिले रोल्पा , कहिले काठमाडौ , कहिले सिराह कहिले चितवन पुग्नु हुन्छ उहाँ पुगेका ठाउमा अरुले कार्यक्रम गर्न नै नहुने हो र ?'

उहाँले भन्नुभयो 'प्रचण्डजीको चिन्ता एमाले को महाधिबेशनमा भन्दा पनि केही दिन अधि चितवनमा भएको नेकपा मालेको महाधिबेशन प्रति केन्द्रित रहेको हो की । माले पनि माओबादी सिध्याउन चितवन नै आयो भन्ने कुरा हो जस्तो लाग्छ । '