• २० असार २०७९, सोमबार
  •      Mon Jul 4 2022
Logo
Latest
★   मकवानपुरमा जन्ती बोकेको ट्र्याक्टर दुर्घटना हुँदा एक जनाको मृत्यु, २६ घाइते ★   सनराइज बैंकले ल्यायो कस्टमाइज फोटो कार्डको सुविधा ★   श्रावण महिनाभर एमाले बाग्मतीले ‘सुशु’ अभियान संचालन गर्ने ★   एमालेभित्रको अन्तर्घात छानबिन गर्न कार्यदल ★   १७ डिआइजीलाई दज्र्यानी चिह्न ★   निर्वाचनमा भएका अन्तरघातको छानबिनका लागि एमालेले बनायो समिति ★   अढाई करोडका सिन्काले दाँत कोट्याउँछन् नेपाली ! ★   अर्थ मन्त्रालय भन्छः जेठ १४ गते रातिको सीसीटीभी फुटेज मेटियो ★   दक्षिण पश्चिम पाकिस्तानमा बस खाल्डोमा खस्दा १९ जनाको मृत्यु, १२ घाइते ★   उपत्यका विशेष प्रदेश कमिटीमा स्थानीय निर्वाचनको समीक्षा

बालकको एक तस्वीरले विश्वभर खलबली



काठमाडौं, भदौ १८ । तीन वर्षीय सिरियाली आप्रवासी बालक टर्कीको एक समुद्री तटमा मृत भेटिएको तस्वीर सार्वजनिक भएपछि त्यसले संसारभर हलचल मच्चाएको छ ।

रातो टिसर्ट लगाएका बालकको तस्वीर टर्कीको समाचार संस्थाले जारी गरेपछि उक्त तस्वीर ‘समुद्री तटमा बगेको मानवता’ ह्यासट्यागमा ट्वीटरमा विश्वभर प्रमुख चर्चाको विषय (ट्रेन्डिङ) भएको छ ।

अनुहार घोप्टो परेको अवस्थामा बोड्रम भन्ने स्थान नजिकैको तटमा बालक भेटिएका थिए । टर्कीबाट ग्रीसतर्फ शरणका लागि गइरहेका बेला आयलान नाम गरेका तीन वर्षीय ती बालक आफ्ना ५ वर्षीय दाजु र आमासँगै डुंगा पल्टिँदा डुबेका थिए ।

ती बालकको शव स्थानीय एक माझीले फेला पारेका थिए । अन्तर्राष्ट्रिय समाचार संस्थाहरुले ती बालकको मार्मिक तस्वीरहरु प्रकाशित गरेका छन् ।

उनका पिता अब्दुल्लाह कुर्दी भने बाँच्न सफल भएको जनाइएको छ । यसअघि ती बालकको परिवारले क्यानडामा शरणका लागि निवेदन दिए पनि अस्वीकृत भएको थियो । समुद्र हुँदै युरोप जान खोजेका धेरै व्यक्तिले यो वर्ष ज्यान गुमाइसकेका छन् । (एजेन्सी)