• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

धर्म निरपेक्षता ब्याख्यासहित, झण्डा यथावत्, काँग्रेस-एमाओवादीका सभासद्ले प्रस्ताव फिर्ता लिए




काठमाडौं, भदौ २८ । संविधानसभा बैठकले नेपालको संविधानको परिमार्जित विधेयक, २०७२ का २४ वटा धाराहरु पारित गरेको छ ।
नयाँ बानेश्वरमा सोमवार विहानैदेखि बसेको संविधानसभा बैठकले संविधानको धारा १ देखि १४ सम्मका धाराहरु पारित गरेको हो । आइतवार १ देखि ३ सम्मका धाराहरु पारित भएका थिए ।
संविधानको धारा ४ मा अब नेपाल धर्मनिरपेक्ष रहने व्यवस्था गरिएको छ । तीन दलको संशोधनमा धर्मनिरपेक्ष भन्नाले सनातनदेखि चलि आएको धर्म संस्कृतिको संरक्षण लगायत धार्मिक, सांस्कृतिक स्वतन्त्रता सम्झनुपर्छ’ भनिएको छ । राप्रपा नेपालका कमल थापा लगायतले राखेको संशोधन प्रस्ताव भने संविधानसभाको बहुमतले अस्वीकृत गरेको थियो । साथै यसलार्इ संविधान विधेयकको अंग बनेको प्रस्ताव स्वीकृत भएको छ ।
धारा ७ मा नेपाली भाषा सरकारी कामकाजको भाषा हुने उल्लेख छ । धारा ८ मा अहिलेकै राष्ट्रिय झण्डालाई कायम राख्ने गरी यो धारा संविधानको परिमाजित विधेयकको अंग बनाउने प्रस्ताव पारित गरेको छ ।
काँग्रेसका डा. शेखर कोइराला लगायत एमाओवादीका केही सभासद्हरुले पेश गरेका संशोधन प्रस्तावहरु भने फिर्ता लिएका थिए । साना दलका प्रस्तावहरु भने बहुमतका आधारमा अस्वीकृत भएका थिए । संविधानसभाको अर्को बैठक सोमवार नै दोश्रो पटक बस्दैछ ।