महानगरीय अपराध महाशाखाको टोलीले किष्ट बैंकका तत्कालीन प्रवन्ध सञ्चालक कमल ज्ञवाली पक्राउ गरेको छ । ज्ञवालीलाई बिहीबार कञ्चनपुरबाट पक्राउ गरिएको हो । बैंकमा प्रवन्ध सञ्चालक हुँदा उनीमाथि ‘जम्को प्रकाशन’ का नाममा साढे १२ करोड कर्जा लिएर अपचलन गरेको आरोप लागेको थियो ।
ज्ञवाली, उनकी पत्नी गौरी खनालसहित आठ जनाविरुद्ध मुद्दा दायर गरेको केन्द्रीय अनुसन्धान ब्युरो (सीआईबी) ले जनाएको छ । ज्ञवालीलाई आजै पुनरावेदन अदालत पाटनमा उपस्थित गराइने बुझिएको छ । पुनरावेदन अदालत पाटनले ज्ञवालीलाई दोषी ठहर गर्दै २०७३ असोज ४ मा चार वर्ष जेल सजाय र साढे चार करोड जरिवाना सुनाएको थियो । त्यसयता उनी फरार थिए ।
