चाडबाड शुरु भएसँगै लुकीछिपी जुवा तास खेल्ने क्रम बढेको छ । यो क्रमसँगै प्रहरीले पनि आफ्नो गस्तीलाई व्यवस्थित र बाक्लो पनि बनाएको छ ।
गएराति काठमाडौंको मुलपानीमा प्रहरीले गोप्य सूचनाको आधारमा एक जुवा घरमा अपरेशन गरेको छ । प्रहरीले जुवाडेमाथि चलाएको अपरेशनका क्रममा हामफाल्ने क्रममा दुई जना जुवाडेको मृत्यु भएको छ । मृत्यु हुनेमा सानुलाल तामाङ र सरोज घले छन् ।
जुवा खेलाइरहेको घरमा पुग्ने वित्तिकै भागाभाग भएको र भाग्ने क्रममा मृत्यु भएको प्रहरीले जनाएको छ । प्रहरी परिसरबाट प्रहरी नायब उपरीक्षक (डिएसपी) होमेन्द्र बोगटीको नेतृत्वमा टोली खटिएको थियो ।
प्रहरी घरमा पस्नेबित्तिकै २ जना हामफालेको थाहा पाउनेबित्तिकै प्रहरीले भ्यानमा राखेर ग्वार्कोस्थित विएण्डबी हस्पिटलमा उपचारका लागि लगिएको थियो तर उनिहरुको उपचारका क्रममा राति नै मृत्यु भएको प्रहरीले जनाएको छ ।
