एजेन्सी । स्पेनिस क्लब रियल मड्रिडका फरवार्ड करिम बेन्जिमा ‘सेक्स टेप ब्ल्याकमेल’ प्रकरण दोषी ठहर भएका छन् ।
३३ वर्षीय फ्रेन्च स्टाइकर बेन्जिमा सहकर्मीको भिडियो खिचेर धम्क्याएको अभियोगमा उनी दोषी ठहर भएका हुन् ।
फ्रान्सको एक अदालतले उनलाई एक वर्षको सस्पेन्डेड जेल सजाय पनि सुनाएको छ ।
यो सजायमा जेलमा बस्नु भने नपर्ने भएपनि अदातलले तोकेको विभिन्न नियम भने पालना गर्नुपर्ने बताइएको छ ।
बेन्जिमालाई ७५ हजार युरो पनि जरिवाना गरिएको छ। अहिले उनी च्याम्पियन्स लिगको खेलअघि रियल मड्रिडको अभ्यासमा छन् ।
सन् २०१५ को जुनमा फ्रेन्च फुटबलर म्याथ्यु भाल्बुआनाको सेक्स भिडियो खिचेर ब्ल्याकमेल गरिएकोमा बेन्जिमाले पैसा दिन प्रोत्साहन गरेको अभियोग लागेको थियो ।
राष्ट्रिय टिमको अभ्यासमा रहेको बेला यो घटना भएको थियो। त्यसपछि उनी राष्ट्रिय टिमबाट समेत हट्नुपरेको थियो ।
