काठमाडौं । नेकपा एमालेका अध्यक्ष केपी शर्मा ओलीले न्यायालयमा भएको विवाद र विसंगतिमा पाँच दलीय गठबन्धनको हात रहेको बताउनु भएको छ ।
बुधबार काठमाडौंमा आयोजित ‘साइबर सर्कल घोषणा कार्यक्रमलाई सम्बोधन गर्दै अध्यक्ष ओलीले न्यायालय भित्रको झगडा तथा विवाद पाँच दलको कानुनी क्षेत्रको रिफ्लेक्शन रहेको बताउनुभएको हो ।
उहाँले भन्नुभयो, ‘ जनता छक्क परेर हेरिराखेको छ, वकिल सा’बहरु कहिले कम्फु कराँते खेल्नुहुन्छ । यो कम्फु कराँते सबै के हो भने पाँच दलको कानुनी क्षेत्रको रिफ्लेक्शन हो । उहाँहरुले जे गर्नुभएको त्यसको प्रकटीकरण हो ।’