बुटवल, १७ कार्तिक– नेकपाका अध्यक्ष एवं पुर्वप्रधानमन्त्रि पुष्प कमल दाहालले सरकारले अव तिव्र गतिमा जनताले देख्ने गरी काम गर्ने बताउनु भएको छ ।
नेकपा रुपन्देहीले बिजया दशमी, दीपावली, छठ र नेपाल सम्वतका अवसरमा शनिबार बुटवलमा आयोजना गरेको शुभकामना सन्देश सभालाई सम्बोधन गर्दै अध्यक्ष प्रचण्डले असोज ३ गतेसम्म संबैधानिक व्यवस्था अनुसार आवश्यक मौलिक अधिकार सम्वन्धि ऐन कानुन बनाउन सरकार केन्द्रित भइरहेको बताउनुभयो । सरकारले सँगसँगै बिकासका लागि पुर्वाधारहरु पनि तयार गरेकाले अव जनताले देख्ने गरी काम हुने उहाँको दावी थियो ।
उहाले भन्नुभयो “संबिधान अनुसार असोज ३ भित्र ऐन बनाउनु पर्ने पनि थियो त्यो काम पुरा भएको छ जनताले देख्न बाटोघाटो र विकास नै चाहिने रहेछ अव सरकारले गति (गियर ) बढाउछ ।’
पुर्वप्रधानमन्त्रि दाहालले ५ वर्षमा पुर्वाधार बिकास गरी समृद्धिको स्पष्ट दिशामा देशलाई अघि बढाउने उल्लेख गर्दै १० वर्षमा एसियाली मापदण्ड भन्दा पनि तिब्र बिकास भएको देशमा रुपान्तरण गर्न सकिने बताउनु भयो ।
उहाले प्रक्रिक्रियावादी र सामन्तवादीहरुको ठुलो षडयन्त्रका बीच पनि नयां सबिधान बनाई निर्वाचन समेत गरी कम्युनिष्ट नेतृत्वको सरकार बनाउन सकेको बताउनु भयो ।
कार्यक्रममा पार्टी महासचिव बिष्णु पौडेलले सरकारले एक वर्ष काम नगर्दै यसको मुल्यांकन गर्न उपयुक्त नहुने बताउदै न्युनतम एउटा आर्थिक वर्षको बजेट कार्यान्वयन हुदासम्म पर्खिन आग्रह गर्नुभयो ।
उहाले २ पार्टीबिचको एकता पश्चात पार्टीका सबै तहले पुर्णता नपाएको प्रसंगमा एकता प्रक्रिया टुग्याउन गाह्रो भएर नभई एकताको जग बलियो हो र एकले अर्कोलाई पनि राम्रो संग चिन्न सकियोस भनेर केही समय ढिलाई भएको बताउनु भयो ।
प्रदेश नम्वर ५का मुख्यमन्त्रि तथा पार्टीका प्रदेश इञ्चार्ज शंकर पोखरेलले संक्रमण र अन्यौलतालाई हटाएर २ वर्षमा दुई अंकको आर्थिक बृद्धि गर्ने गरी केन्द्रिय र प्रदेश सरकारहरुले काम गरीरहेको बताउनु भयो ।
संघिय सरकारका कृषि तथा पशुपक्षि बिकास मन्त्रि चक्रपाणी खनालले नेपालको एतिहासमा राम्रो र बलियो बनेको अहिलेको सरकारले देशको बिकास र आर्थिक समृद्धिको एजेण्डालाई प्राथमिकतामा राखेको उल्लेख गर्दै जनताले केही समयमा नै परिवर्तनको महसुश गर्न सक्ने बताउनु भयो ।
पर्टी स्थायी समिति सदस्य तथा पुर्वउपप्रधानमन्त्रि टोप बहादुर रायमाझिले बुलेटमा मात्र होइन ब्यालेटमा पनि नेपालका कम्युनिष्ट पार्टी सक्षम छन भन्ने प्रमाण बिश्व समुदायलाई अहिले नेकपाले दिइसकेकाले अव बिकास र समृद्धिको नेतृत्व गरेर बिश्वमा नया इतिहास कायम गर्ने बताउनु भयो ।
पर्टीका प्रदेश अध्यक्ष तथा पुर्व सभामुख ओनसरी घर्तीले पार्टीले पाएको अहिलेको एतिहासिक अवसरलाई नेतृत्वले सुझबुझ पुर्ण निणर्य गर्दै जनतालाई परिवर्तनको प्रत्याभुति दिन सक्ने बिश्वास व्यक्त गर्नुभयो ।
पार्टी रुपन्देही कार्यदलका सदस्य तथा बुटवल उपमहानगरपालिकाका प्रमुख शिवराज सुवेदीको सभापतित्व र कार्यदल सदस्य निर्मल जिसीको सञ्चालनमा कार्यक्रम भएको थियो ।
