बझाङ, ७ मंसिर । जिल्लाको बुगल नगरपालिका वडा नं २ मजीवन गाउँ अन्तरगत पर्ने एकछाले सामुदायिक वनमा आगलागी हुँदा करोडौं मूल्य बराबरको क्षति भएको छ ।
बिहीबार साँझ ४ बजेतिर आगलागी हुँदा सामुदायिक वनमा रहेका विभिन्न प्रकारका महत्वपूर्ण जडिबुटी यार्चा, कटुकी, चिराइतो, वन लसुन लगायत लौठ सल्ला, धुपीसल्ला, लालीगुराँस, भोजपत्रका बिरुवाहरु जलेर नष्ट भएको बगल नगरपालिका वडा २ का स्थानियवासी अर्जुनबहादुर धामीले बताउनुभयो ।
बिहीबर साँझ चार बजेतिर लागेको आगो स्थानीयवासीको पहलमा शुक्रबार ६ बजेपछि मात्र नियन्त्रणमा लिइएको थियाे। स्थानियवासीका अनुसार आगो नियन्त्रण गर्ने क्रममा सामुदायिक वनमा भेटिएका छबिस पाथिभेरे गाँउपालिका वडा ६ वुडखोरीका घर भएका बिनोदबहादुर धामीले आगो लगाएकाे हुन सक्ने अनुमान गरिएको छ ।
