काठमाडौँ, ८ मङ्सिर: गीतकार कुमार भट्टराईद्वारा लिपिबद्ध दुई भजन सङ्ग्रह ‘शिव लिला’ र ‘अग्रता काली’ सार्वजनिक गरिएको छ ।
नेपाली काङ्ग्रेसका महामन्त्री डा सशाङ्क कोइरालाले शुक्रबार यहाँ आयोजित कार्यक्रममा दुवै कृति विमोचन गर्नुभएको हो । दुबै भजन सङ्ग्रह हिन्दूधर्मसँग सम्बन्धित नेपाली भजन हुन् ।
‘शिव लिला’ एल्बममा मनोजराज शिवाकोटी, प्रताप दास, कर्माग्याल्छेन बम्जन, शान्तिश्री परियार र मनिषा पोख्रेलको स्वर रहेको छ भने ‘अग्रता काली’ एल्बममा मनोजराज शिवाकोटी, ईश्वर अमात्य, तुलसी पराजुली, प्रतापदास र विदुर वस्तीको स्वर रहेको छ ।
दुवै एल्बममा छ छवटा गीत समावेश छन् ।
सबै गीतमा बिजु बज्रको सङ्गीत रहेको छ ।
विमोचित दुई कृतिसँगै गीतकार भट्टराईका एल्बम तीन पुगेका छन् । यसअघि उहाँले २०७१ मा ‘अग्रता’ नामक एल्बम बजारमा ल्याउनुभएको थियो ।
