प्रतीक्षाको घडी समाप्त भयो है !
सांसारिक खुसी सन्तान जन्माउनु हो भने सिर्जनात्मक खुसी कृति जन्माउनु हो । सौभाग्यवश मलाई यत्तिखेर दुवै खुसी मिलेको छ । त्रिसट्ठी बर्षको उमेरमा जन्मेको आफ्नो कृतिको मुहार पहिलो पटक देख्दा पुनः आमा बनेको अनुभूति हुँदोरहेछ र शब्दमा वर्णन गर्न नसकिने बेग्लै खुसी प्राप्त हुँदोरहेछ ।
यस्तो सुन्दर, अद्भुत र अद्वितीय अनुभूति दिनुहुने बुक-हिल पब्लिकेसनका प्रकाशक भुपेन्द्र खड्का र पवन आचार्य भाइहरू साँच्चिकै धन्यवादका पात्र हुनुहुन्छ । प्रिय भाइहरू दुवैप्रति मनको गहिराइबाटै विशेष आभार प्रकट गर्दछु ।
मेरो गर्भबाट जन्मेको मेरो उपन्यास यस्तो रुपको छ है भनेर, मेरा तमाम प्रिय पाठकहरू माझ यसरी देखाउन पाउँदाको असीमित खुसीको बयान त झन् गर्नै सक्दिनँ म ।
प्रिय पाठकहरूको हातमा सुम्पिन लागेको मेरो पहिलो उपन्यासको रुप के कस्तो छ ? भनेर माया र आशीर्वाद दिने अनि फैसला गर्ने पालो पनि अब उप्रान्त यहाँहरूकै हुनेछ !
(उषा शेरचनको फेसबुक वालबाट)
