काठमाडौं । पूर्वप्रधानमन्त्री डा. तुलसी गिरीको अन्त्येष्टिमा सरकारले तोपको सलामी अर्पण नगर्ने भएको छ । गिरीको दाहस संस्कार सरकारले अरु भन्दा फरक किसिमले गर्न लागेको हो ।
देशका भीआइपीको मृत्यु हुदा सरकारले सार्वजनिक बिदा र सम्मान स्वरुप तोपको सलामी अर्पण गर्ने गरेको भएपनि गिरीको परिवारले सलामी अर्पण गर्ने सरकारको प्रस्तावलाई अस्वीका गरेका हुन् । परिवारको आग्रहमा गिरीको पार्थिक शरीरलाई सर्वसाधारण नागरिककै जसरी अन्त्येष्टि गरिन लागेको हो।
पूर्वप्रधानमन्त्री गिरीकी धर्मपत्नी साराह गिरीका अनुसार – ‘सलामी दिनेबारे हामीलाई सोधनी भएको थियो, तर, उहाँको अन्त्येष्टि साधारणरुपमा हुनेछ ।’
डा.गिरीले मृत्युपूर्व नै विश्वका अति नै महान पुरुषहरुको अन्त्येष्टि पनि साधारण किसिमले नै हुने गरेकोले आफ्नो अन्त्येष्टि पनि साधारण किसिमले नै गर्नु भनेर लेखेर दिएको सामान्य किसिमले नै गर्न लागेको परिवार स्रोतले बताएको हो ।
पारिवारिक स्रोतका अनुसार बुधबार गिरीको अन्त्येष्टि पशुपति आर्यघाटमा रहेको विद्युतीय शवदाह गृहमा गरिनेछ ।
