भारतको मध्यप्रदेशमा एउटा गाउँको नाम हो बाजारिया । यो जूनमा त्यहाँ २० वर्षकी सिता (परिवर्तित नाम) को विवाह श्याम (परिवर्तित नाम) युवकसँग भयो । विवाहलगत्तै उनका ससुराले उनको यौन शोषण गर्न सुरु गरेका थिए । तर उनी सहेर चुप बसिन् । एक दिन सितालाई घरमा एक्लो देखेर ससुराले बलात्कार गरे । राधाले यसबारे सासु र श्रीमानलाई बताइन् । मद्दत पाउनुको साटो यी दुईले उल्टै सितालाई नै तथानाम गाली गरे । उनकी सासुले यसबारे कसैलाई पनि खबर नगर्नु गरेमा नराम्रो हुने चेतावनी दिइन् । यता श्रीमान् श्यामले यदि राधा उक्त मेरो घरमा बस्ने हो भने मेरो बुवाले गरेको सबै सहनु पर्ने बताए ।
आफ्नो कुरा घरका कसैले नबुझेपछि सिताले माइतीलाई यसबारे आफ्नी आमासँग कुरा गर्दै गर्दा उनका श्रीमानले सबै सुने । त्यो दिन बाट उनका नराम्रा दिन सुरु भए त्यसपछि श्यामले सितालाई यातना दिन सुरु गरे । श्यामले सिताको फोन फुटाइदिए र उनलाई निकै कुटे । सिता त्यसपछि आफ्नो माइती गइन् । उनी यति विक्षिप्त भइसकेकी थिइन् कि उनले पंखामा झुण्डिएर आत्महत्या गरिन् ।
आत्महत्या गर्नुअघि सिताले श्रीमानसँग फोनमा कुरा गरेकी थिइन् । तर उनले सिताको कुरा भने सुनेनन् । आत्महत्या गर्न चाहेको हो भने गर्न सक्छौ भनेर फोन काटिदिए ।
सिता नरसिंहपुरमा थिइन् । उनको मृत्युपछि उनका आमा–बुवाको बयान लिइयो । उनका ससुरामाथि बलात्कारको मुद्दा दर्ता भयो र सासु र श्रीमानमाथि आत्महत्याका लागि उक्साएको आरोप दर्ता भयो ।
