काठमाडौँ । विश्व फुटबलको सर्वोच्च निकाय फिफाले सार्वजनिक गरेको पछिल्लो वरियतामा नेपालले आफ्नो स्थान सुधार गरेको छ ।
गएराती सार्वजनिक गरेको तालिकामा नेपाले एक स्थान सुधार गरेको हो ।
यो नयाँ अंक तालिका अनुसार नेपाल १ हजार १ अंकसहित १ सय ६१ औँ स्थानमा उक्लिएको छ । फिफाको वरियतामा केहि सुधार गरेपनि दक्षिण एसियाली मुलुकमध्ये नेपाल तेस्रो स्थानमै यथावत रहेको छ । दक्षिण एसियाली मुलुकमा भारत ९७ औँ स्थानसहित पहिलो, १ सय ५२ औँ स्थान सहित माल्दिभ्स दोस्रोमा रहेको छ । नेपाल पछि भुटान, बंगलादेश, पाकिस्तान र श्रीलंका छन् ।
विश्व वरियतामा बेल्जियम शीर्ष स्थानमा रहदा बिश्व बिजेता फ्रान्स दोस्रो र ब्राजिल तेस्रो स्थानमा कायम छन् । नयाँ वरियताको ८१ औँ स्थानसम्म कुनै परिवर्तन भएको छैन् ।
