कैलाली । साझेदारी व्यवसायमा देखिएको मतभेदको रिस फेर्न अपहरण गरेका एक नेपाली अपहरणमुक्त भएका छन् । बझाङबाट अपहरण गरि भारत पुर्याइएका एक नेपाली ३ दिन पछि अपहरणमुक्त भएका हुन् ।
आफ्नै व्यबसायीक पाटनर रेहाना खाँबाट अपहरणमा परेका दुर्गाथली गाउँपालिका–४, बझाङका २६ वर्षीय धनराज जोशीमुक्तलाइ भारत उत्तर प्रदेशको खिरीस्थित पालियाकाबाट अपहरण मूकत बनाइएको हो ।
पालियाका ५० वर्षीय खाँसँगको साझेदारीमा स्काभेटर सञ्चालन गर्दै आएका जोशीलाई खाँले घुम्न जाने भन्दै पालिया पुर्याएका थिए । र मतभेदको रिस फेर्न जोशीलाई आफ्नै घरमा बन्धक बनाएर राखेका थिए ।
अपहरणमा परेका जोशीलाई भारतीय सीमा सुरक्षा बल (एसएसबी) सँगको समन्वयमा सशस्त्र प्रहरीले आइतबार अपहरणमुक्त गराएको हो ।
