काठमाडौँ । नेपाल बार एसोसिएसनले नेकपा एकीकृत समाजवादीका अध्यक्ष माधवकुमार नेपालसमक्ष प्रधानन्यायाधीश चोलेन्द्रशम्शेर जबरालाई सर्वोच्च अदालतबाट बहिर्गमन गर्नुपर्ने माग राख्दै ध्यानाकर्षण पत्र बुझाएको छ ।
अध्यक्ष नेपालसमक्ष बारले संघीय संसद् सचिवालयमा प्रधानन्यायाधीश बहिर्गमन हुनुपर्ने १७ बुँदे कारण खुलाउँदै ध्यानाकर्षण पत्र बुझाएको हो । बारले नेपालसमक्ष प्रधानन्यायाधीश जबरालाई महाअभियोग लगाउनसमेत अनुरोध गरेको छ ।
