सिन्धुली । पाँचजना अनुयायी बेपत्ता पारेको लगायतका आरोप लागेका रामबहादुर बम्जन सिन्धुली आश्रममा रहेको तथ्य खुलेको छ। सिन्धुपाल्चोकबाट बम्जन भागेर सिन्धुलीस्थित कमलामाई नगरपालिका ८ को पैरेस्थित आश्रममा बसेको प्रहरीले जनाएको छ ।
सिन्धुलीका प्रमुख जिल्ला अधिकारी र प्रहरी प्रमुखले बम्जम सिन्धुलीको आश्रममा रहेको र सरकारबाट आदेश आउने बितिकै उनलाई नियन्त्रणमा लिइने बताएका छन् ।
उनका विभिन्न आश्रममा पाँचजना अनुयायी र आनी बेपत्ता भएको, आश्रमका आनीहरूमाथि यौन दुर्व्यवहार गरेको जस्ता आरोपमा बम्जनमाथि किटानी जाहेरी परेपछि प्रहरीले बम्जनको खोजी गर्दै उनको सिन्धुपाल्चोक बाँडेगाउँस्थित आश्रममा सिलबन्दी गरेर अनुसन्धान गरिरहेको छ।
तर, यस्ता आरोप लागेका बम्जन सिन्धुलीस्थित आश्रममा रहेको थाहा पाए पनि प्रहरीले नियन्त्रणमा लिन चासो दिएको छैन।
