कामाडौं । नेकपा एमालेका चार नेताले पार्टी अध्यक्ष केपी शर्मा ओलीसमक्ष ३०१ केन्द्रीय सदस्यको सूची बुझाएका छन् ।
सौराहमा जारी एमालेको दशौं महाधिवेशनको बन्दसत्रले शुक्रबार भीम रावल र घनश्याम भुसाल लगायतका नेताहरुको असन्तुष्टिका बीच कमिटीको नामावली प्रस्ताव गर्ने सर्वाधिकार अध्यक्ष ओलीलाई दिएको थियो ।
विहान १० बजे बन्दसत्र राखेका ओलीले बन्दसत्र रोकेर छलफलमा जुट्दै केन्द्रीय सदस्यहरुको सूची बनाउने जिम्मा चार नेतालाई दिएका थिए ।
ओलीले संगठन विभाग प्रमुख विष्णु पौडेलका साथै नेताहरु शंकर पोखरेल, पृथ्वीसुब्बा गुरुङ र प्रदीप ज्ञवालीलाई केन्द्रीय सदस्यहरुको सूची बनाउन दिएका हुन् ।
चार नेताले पार्क सफारी होटलको कोठा नम्बर ४०१ मा बसेर केन्द्रीय सदस्यहरुको सूची बनाएका छन् ।
अध्यक्ष ओलीले त्यसलाई अन्तिम रुप दिने र बन्दसत्रमा प्रस्तुत गरिने बताइएको छ ।
