काठमाडौं । २९७ औं पृथ्वी जयन्तीको अवसरमा राष्ट्रिय प्रजातन्त्र पार्टी( राप्रपा)ले चियापान कार्यक्रमको आयोजना गर्न भएको छ ।
राप्रपा प्रचार विभाग प्रमुख मोहन श्रेष्ठका अनुसार पुस २७ गते शुक्रबार काठमाडौँको भृकुटीमण्डपस्थित राष्ट्रिय सभागृहमा कार्यक्रमको आयोजना गर्न लागिएको हो । उक्त चियापानका लागि अध्यक्ष कमल थापाको नामबाट विशिष्ट अतिथि र पार्टी सदस्यहरु लाई दश हजार कार्ड वितरण गरिसकेको छ ।
दिउँसो एक बजेदेखि तीन बजेसम्म हुने चियापान समारोहमा उपस्थितीका लागि उपराष्ट्रपति, प्रधानमन्त्री, मन्त्रीहरु, विभिन्न राजनीतिक दलका नेताहरु, संवैधानिक अङ्गका प्रमुखहरु, निजामती, जङ्गी सेवाका बहालवाला र पूर्व विशिष्ट पदाधिकारीहरु, विदेशी कुटनैतिक नियोगका प्रमुखहरु लगायतलाई निमन्त्रणा गरिने जनाएको छ ।
