काठमाडौँ । बलिउडका ‘शहंशाह’ अमिताभ बच्चन फिल्महरुका अतिरिक्त आफ्नो रियालिटी शो ‘कौन बनेका करोडपति’ (केबीसी) लाई लिएर अत्यन्त धेरै चर्चामा रहन्छन् । यो शोसँग उनको विशेष सम्बन्ध भएरै उनी प्राय केबीसीको सेटमा आफ्नो जीवनसँग सम्बन्धित रमाइला पलहरु सुनाइरहन्छन् । २१ वर्षदेखि दर्शकलाई मनोरञ्जन प्रदान गरिरहेको यो शो एक हजार एपिसोड पूरा हुँदा बिग बी भावुक बने ।
केबीसीको एक हजार एपिसोड पूरा भएको खुशीमा अमिताभकी छोरी श्वेता बच्चन र नातिनी नव्या नवेली नन्दा यो शोको विशेष अतिथि बनेर पुगेका थिए । शोको प्रमोशनल भिडियो देखाइयो । जसमा अमिताभ भन्छन्, ‘आज केबीसीको १००० एपिसोड पूरा भइरहेको छ, यो विशेष एपिसोडमा हामीले परिवारका सदस्यहरुलाई सहभागी गराउने सोच्यौँ, आउनुहोस् कुरा गरौँ श्वेता बच्चन र नव्या नवेली नन्दासँग ।’
यसैबेला श्वेता बिग बीसँग भन्छिन्, ‘पापा म सोध्न चाहन्छु कि यो एक हजारौँ एपिसोडप्रति तपाइँलाई कस्तो लागिरहेको छ ?’ अमिताभ भन्छन्, ‘यस्तो लागिरहेछ कि सारा संसार परिवर्तन भएको छ ।’ यो बेला उनको आँखा भरिएको देखिन्छ । सोनी टिभीको पेजमा जारी गरिएको सो भिडियोसँगै क्याप्सनमा लेखिएको छ, ‘अनुहारको मुस्कान, आँखामा खुशीको आँसु, अत्यन्त धेरै ज्ञान र तपाइँ सबैको मायाका साथ केबीसीले पूरा गरिरहेको छ आफ्नो एक हजार एपिसोड, यो रमाइलो पलमा भावुक हुँदै अमिताभ बच्चन सर, हेर्नुहोस् यो पूरा यात्राको एक झलक, यो पूरा एपिसोडलाई हेर्न नभुल्नुहोस् ।’
प्रमोशनल भिडियोमा बलिउडका ‘शहंशाह’ आफ्नो परिवारसँग धेरै मस्ती गरिरहेको देखिन्छन् । नव्या अमिताभसँग सोध्छिन्, ‘जो यहाँ हट सिटमा आउँछ, तपाइँ उसलाई सोध्नुहुन्छ कि तपाइँले केबीसीको तयारी कसरी गर्नुभयो, आज म तपाइँलाई सोध्न चाहन्छु कि तपाइँले हाम्रो लागि के तयारी गर्नुभयो ?’ अमिताभले जवाफ दिँदै भन्छन्, ‘जिलेबीको जस्तै सोझै प्रश्न र भुलभुलैयाको जस्तै सरल ।’
