एजेन्सी । फिल्मको कथासँगै केही फिल्मका कलाकारले हाम्रो मनमा छुट्टै ठाउँ बनाएका छन् ।
सन् २००७ मा आएको मनोवैज्ञानिक ड्रामा फिल्म ‘तारे जमीं पर’ मा निकै कम बोल्ने आफ्नै प्रश्नमा मग्न रहने इशान अवस्थीले पनि आफ्नो अभिनय कौशलले दर्शकको मनमा विशेष स्थान बनाएका थिए ।
यो क्यारेक्टरमा रहेका कलाकारको वास्तविक नाम दर्शिल सफारी हो । यो फिल्मको सुटिङका क्रममा दर्शिल १० वर्षका मात्र थिए । आज अर्थात मार्च ९, २०२२ मा दर्शिल २५ वर्षका भए । आज उनको जन्मदिनको अवसरमा यो १५ वर्षमा दर्शिलमा कत्तिको परिवर्तन भयो र उनी के गर्दै छन्, चर्चा गरौं ।
दर्शिल सफारीले आज आफ्नो २५ औं जन्मदिन मनाउँदै छन् । १५ वर्षपछि दर्शिल सफारीको लुक पूरै परिवर्तन भएको छ । सफारीले आफ्नो तस्बिर सामाजिक सञ्जाल अकाउन्टमा शेयर गरिरहन्छन् । यी तस्विरहरू देखेर फ्यानहरूलाई यो ‘तारे जमीं पर’ का साना इशान अवस्थी हुन् भनेर चिन्न गाह्रो हुन्छ ।
‘तारे जमीं पर’ मा डिस्लेक्सिया पीडित बालकको भूमिका निर्वाह गरेका दर्शिल सफारी धेरै शो र सिरियलमा देखा परेका छन् । उनी सानो पर्दा र ठूला पर्दा दुबैमा आफ्नो अभिनय कला देखाउँदै आएका छन् ।
दर्शिलले ‘बम बम बोले’, ‘जोकेकोमन’ र ‘मिडनाइट्स चिल्ड्रेन’ जस्ता फिल्ममा काम गरिसकेका छन् ।
