काठमाडौँ । अजोड इन्स्योरेन्स लि र धनगडी क्रिकेट एकेडेमी प्रा.लि बिच अफिसियल इन्स्योरेन्स सम्झौता भएको छ ।
धनगढी क्रिकेट एकेडेमीले अजोड इन्स्योरेन्स लि. सँग अफिसियल इन्स्योरेन्स साझेदारको रुपमा सहकार्य गर्न सम्झौता गरेको हो ।
माघ १० गते सम्झौता पत्रमा अजोड इन्स्योरेन्सको तर्फबाट प्रमुख कार्यकारी अधिकृत कुमार वहादुर खत्री र एकेडेमीका तर्फबाट अध्यक्ष सुभाष शाहीले हस्ताक्षर गरेका हुन् ।
उक्त सम्झौतामा अजोड इन्स्योरेन्स लि.ले माघ २६ गते देखी फाल्गुन ११ गते सम्म संचालन हुने क्रिकेट खेलमा संलग्न खेलाडी, अफिसीयल व्यवस्थापक र दर्शकहरुको बीमा गरिदिनुको साथै दर्शकदिर्घामा प्रत्येक खेलमा क्याच समात्ने पहिलो दर्शकलाई रु. १०,००० इनाम प्रयोजन गरिएको हो ।
