दक्षिण कोरियाली कम्पनी एल जी इलेक्ट्रोनिक्सले आगामी फेब्रुअरी २४ मा स्पेनको बार्सिलोनामा हुने मोबाइल वर्ल्ड कंग्रेसका अवसरमा आफ्नो पहिलो फाइभ जी स्मार्टफोन लञ्च गर्ने घोषणा गरेको छ ।
उक्त फाइभ जी स्मार्टफोन जनवरी २८ सम्म चल्ने मोबाइल वल्र्ड कंग्रेस २०१९ मा प्रदर्शनीमा राखिनेछ ।
रिपोर्टअनुसार यसमा क्वालकोमको सबैभन्दा पछिल्लो स्नापड्रागन ८५५ प्रोसेसरको प्रयोग गरिनेछ ।
फोनमा ४ हजार मिलिएम्पिएर आवर क्षमताको ब्याट्री हुनेछ, जसले फास्ट चार्जिङ्ग प्रविधि पनि सपोर्ट गर्नेछ ।
विश्वमा फाइभ जी नेटवर्कमा चल्ने स्मार्टफोन निर्माणको दौडमा रहेका कम्पनी मध्ये एल जी एक हो । एलजी सँगै सामसुङ, वनप्लस, शाओमी तथा ओप्पो जस्ता कम्पनीहरुले पनि फाइभ जी स्मार्टफोन निर्माणमा काम गरिरहेका छन् ।
नयाँ ब्राण्डिङ्गका साथमा एलजीले बजारमा ल्याउने स्मार्टफोनका कारण २०१९ को पहिलो आधा वर्षमा एलजीका स्मार्टफोनको बिक्रिदर ह्वात्तै बढ्ने अपेक्षा गरिएको छ ।
एजेन्सी
