एजेन्सी । म्यानचेस्टर युनाईटेडको पूर्व प्रशिक्षक जोसे मोउरिन्होलाई एक बर्षको जेल सजाय तोकेको छ ।
मंगलबार कर छली गरेको ठहर गर्दै स्पेनीस अदालतले सजाय सुनाएको हो ।तर मोउरिन्होले उक्त कुरा स्वीकार गरेका छन् ।
अदालतले सजाय सुनाएपनि मोउरिन्हो भने जेलमा भने बस्नुपर्ने छैन । स्पेनको कानुन अनुसार दुई बर्षसम्मको जेल सजाय जरिवाना तिरे मिनाह हुनेछ । मोउरिन्होले दुई मिलियन युरो जरिवाना भने तिर्नुपर्नेछ ।
मोउरिन्हो सन् २०११ देखि १२ सम्म रियल म्याड्रिडको प्रशिक्षणम छँदा उनले ठूलो मात्रामा कर छली गरेको पाइएको हो । स्पेनमा कल छलीका कारण चर्चित खेलाडीले पनि सजाय भोगिरहेका छन् । यसअघि लियोनल मेस्सी र क्रिस्टियानो रोनाल्डोलाई पनि ठूलो धनराशी जरिवाना गरिएको थियो ।
मोउरिन्होलाई युनाइटेडले खराब नतिजा निकालेको भन्दै बर्खास्ती गरेको थियो । ५५ वर्षीय मोउरिन्हो २०१६ मा युनाइटेडमा आबद्ध भएका थिए । मोउरिन्होको बर्खास्तीपछि युनाइटेडले उच्च स्तरको प्रदर्शन गरिरहेको छ ।
