वीरगन्ज । वीरगन्जको नगवामा रहेको युनाइटेड इङ्ग्लीश सेकेण्डरी बोर्डिङ स्कुल र गौतम स्कुलले सरस्वती पूजाका नाममा चन्दा असुलेको पाईएको छ ।
उक्त स्कुलले सरस्वती पूजाका नाममा नर्सरीदेखि कक्षा १० सम्म पढ्नो बिद्यार्थीलाई तालिका नै बनाएर चन्दा असुलेका हुन् । स्कुलले नर्सरी देखी कक्षा १ सम्मका प्रत्येक विद्यार्थीबाट एक सय रुपैयाँ , कक्षा २ देखि ४ का विद्यार्थीबाट दुई सय , कक्षा ५ र ६ का विद्यार्थीबाट तीन सय ५० तथा कक्षा ७ देखि १० सम्मका विद्यार्थीबाट ९ सय रुपैयाँ चन्दा असुली गरेको हो ।
निजी विद्यालयका संचालक र शिक्षकले पूजा र भोजभतेर गर्न चन्दा भन्दै कक्षा तह अनुसार , विद्यार्थीबाट जनही ५० देखि पाँच सय रुपैयाँसम्म असुली गरेको स्कुलका बिद्यार्थीहरुले बताएका छन् ।
बिद्यार्थीका अनुसार चन्दा नदिए कक्षा कोठामै बस्न नदिने बताएपछि जसरी नि पैसा दिन परेको गुनासो गरेका छन् । अभिभावकहरुले पनि यो त्यो बहाना बनाएर बेला बेलामा चन्दा असुल्दा आफुहरु मारमा परेको बताउँछन्।
वीरगन्जको घडीअर्वाका रामबाबु सोनारले भने, ‘एक त महिना फिस् तिर्न नै धौ–धौ हुन्छ, त्यसमा अहिले सरस्वतीपूजाको चन्दाका नाममा एक हजार रुपैयाँ तिर्नु पर्दा झनै समस्या भएको छ।’
बिद्यार्थीलाई बिभिन्न धम्कि दिने भएको कारण जसरी नि चन्दाको रकम बुझाउनु परेको अभिभावक बताउछन् ।
वीरगन्ज महानगरपालिकाको शैक्षिक प्रशासन महाशाखाका प्रमुख अरविन्दलाल कर्णले भने, अहिले सरस्वतीपूजाका नामामा निजी विद्यालयहरुले विद्यार्थीहरुबाट रकम असुलेको हल्ला आफूले पनि सुनेको , ‘तर यस बारेमा लिखित गुनासो लिएर नआएको बताएका छन् ।
