काठमाडौ। नेपालको न्यायिक इतिहासमा पहिलो पटक सर्वोच्च अदालतमा गोला प्रणालीबाट पेसी तोकिएको छ । प्रधानन्यायाधीश चोलेन्द्रशमशेर राणाको राजीनामा माग्दै कात्तिक ८ गतेदेखि ईजलास बहिष्कार गरेर बिद्रोह गरेका न्यायाधीशहरु गोला प्रणाालीबाट पेसी तोकिएपछि काममा फर्किएका छन् ।
गोला प्रणालीबाट तोकिएको पेसीमा आज दुईवटा एकल इजलाससहित कुल १० वटा इजलास गठन भएका छन् । गोला प्रक्रियाबाट तोकिएको पेसीमा वरिष्ठतम न्यायाधीश दीपककुमार कार्की र न्यायाधीश टंकबहादुर मोक्तानको सयुक्त ईजलास गठन भएको छ । यसैगरी न्यायाधीश मीरा खड्काको एकल इजलास र न्यायाधीश हरिकृष्ण कार्कीको र सुष्मालता माथेमाको संयुक्त इजलास गठन भएको छ । यसै गरी न्यायाधीश हरिकृष्ण कार्की र न्यायाधीश बमकुमार श्रेष्ठको इजलास गठन भएको छ ।
यसैगरी न्यायाधीश विश्वम्भरप्रसाद श्रेष्ठ र बमकुमार श्रेष्ठ संयुक्त इजलास गठन भएको छ यसै गरी न्यायाधीश डा. कुमार चुडालको एकल इजलास गठन भएको छ । गोला प्रणालीबाट तोकिएको ईजलासमा डा.आनन्दमोहन भट्टराई र डा. मनोज शर्माको अर्को संयुक्त इजलास गठन भएको छ । यसै गरी न्यायाधीश अनिलकुमार सिन्हा र कुमार रेग्मीको अर्को इजलास गठन भएको छ ।
त्यस्तै प्रकाशमानसिंह राउन र हरि फूयालको अर्को सयुक्त इजलास गठन भएको छ । यसै गरी सपना प्रधान मल्ल र प्रकाश ढुंगाना तथा न्यायाधीश तेजबहादुर केसी र नहकुल सुवेदीको रहनु भएको सयुक्त ईजलास गठन भएको छ । हाल सम्म प्रधानन्यायाधीशले इजलास गठन र पेशी तोक्ने कार्य हुदै आएको थियो । आज न्यायधीसहरुले एउटा थैलीमा राखिएको मुद्दाको सुचीबाट गोला थुतेका थिए ।