काठमाडौँ । जिल्ला कृषि बिकास कार्यालय, तेह्रथुमका प्रा.स हरि गोपाल आचार्य सहित चार जना विरुद्द रकम हिनामिना गरी भ्रष्टाचार गरेको आरोपमा मुद्दा दायर गरिएको छ ।
अख्तियार दुरुपयोग अनुसन्धान आयोगले शुकबार पेश गरेको आरोप पत्रमा आचार्य बाहेक प्रमुख मनोजकुमार यादव, लेखापाल डिल्ली प्रसाद आचार्य र नायब सुब्बा दुर्गा प्रसाद पैडेल विरुद्ध विशेष अदालत काठमाडौँमा आरोप पत्र दायर गरेको छ ।
चारै जनाले अलैंचीको बिरुवा खरिद गरी कृषकहरूलाई बितरण गर्दा कमिशन दिने व्यक्तिलाई मात्र दिएको, कमिशन रकम गोप्य रुपमा दिनु पर्ने अनि बाँकी रकम बिलबाट लिने गरी लाखौं लाख रकम घोटाला गरेको र ईलामबाट बिरुवा ल्याउँदा र बिरुवा सम्बन्धित क्षेत्रमा पुर्याउंदा गाडी भाडासमेत घोटाला गरेको आरोप लागेकोहो ।
अनुसन्धान हुँदा जिल्ला कृषि विकास कार्यालय, तेह्रथुमको आ.व. २०७२र०७३ को बार्षिक कार्यक्रमको तेस्रो चौमासिक लक्ष्यअनुसार अलैंची रोग व्यवस्थापन तथा नर्सरी स्थापना र कृषि प्रसार कार्यक्रम अन्तर्गत विनियोजित बजेटबाट कार्यक्रम सञ्चालन गर्दा झुट्टा बिल भरपाईको आधारमा भुक्तानीसमेत लिई सरकारी रकम हिनामिना गरेको समेत खुलेको आयोगका सहसचिव रामेश्वर दंगालले जानकारी दिए ।
