लुट्न सम्म लुट देश ,लुट्न सम्म लुट
धेरै बिरोध नगर ,चुप लागेर सुत !!
हाम्रा सन्तति बोर्डिङ स्कुल तिम्लाई केको खसखस
हाम्रा महल देखेर नगर है कचकच
सक्छौ भने गरिखाउ कस्ले छेक्या छ र
न सक्छौ त खाडी जाउ उतैतिर मर
लुट्न सम्म लुट देश लुट्न सम्म लुट
धेरै बिरोध नगर,चुप लागेर सुत
गणतन्त्र हामीले ल्यायौ तिमीलाई केको खाँचो
हामीले नै लिएका छौ यो देशको साँचो
अनेक गर्यौ हामीले फालेकै हो राजा
बकबक धेरै नगर है ,बज्ला तिम्रो बाजा
लुट्न सम्म लुट देश ,लुट्न सम्म लुट
धेरै बिरोध नगर ,चुप लागेर सुत !!
जहाज खान्छौ,हाइड्रो खान्छौ तिमी हेरी बस
राजमार्ग खान्छौ ,देशै खान्छौ चुप लागेर बस
हाम्ले चढ्ने जहाज ,गाडीको किन गर्छौ रिष
बकाबक धेरै नगर है हालिदिउला केस
लुट्न सम्म लुट देश ,लुट्न सम्म लुट
धेरै बिरोध नगर ,चुप लागेर सुत !!
नाफाखोर र तस्करलाई हामी माया गर्छौ
दस्तुरी र कमिसन उनै बाट बुझ्छौ
यसै बाट चलेको छ,हाम्रो घरबार
मौका मिले बनाउछौ हाम्ले दरबार
लुट्न सम्म लुट देश,लुट्न सम्म लुट
धेरै बिरोध नगर,चुप लागेर सुत
तिम्रा सन्तान बाउबाजे यसैगरी मरुन
बिकास बिकास भट्याएर बैतरणी तरुन
दिनदिन सुनेकै छौ भब्यभब्य भाषण
धरै जोरी नखोज है देख्लास मेरो शासन
लुट्न सम्म लुट देश ,लुट्न सम्म लुट
धेरै बिरोध नगर ,चुप लागेर सुत !!
महादेव पोखरेल
