काठमाडौँ । इंग्लिस प्रिमियर लिग फुटबलमा एभर्टनले कार्डिफ सिटीमाथि सहज जीत हात पारेको छ ।
मंगलबार राति भएको खेलमा उसैको मैदानमा कार्डिफ सिटीलाई एभर्टनले ३–० गोलअन्तरले पराजित गरेको हो । एभर्टनको जीतमा गिल्फी सिगुर्डसनले दुई र कलभर्ट लेविनले एक गोल गरे ।
पहिलो हाफमा एक गोलको अग्रता बनाएको एभर्टनले दोस्रो हाफमा थप दुई गोल गर्दै जित हात पारेको थियो । खेलको ४१ औं मिनेटमा सिगुर्डसनले गोल गर्दै एभर्टनलाई अग्रता दिलाएका थिए ।
खेलको ६६औं मिनेटमा सिगुर्डसनले नै दोस्रो गोल गर्दै एभर्टनलाई २–० गोलको अग्रतामा पुर्याए । अतिरिक्त समयमा लेविनले गोल गर्दै एभर्टनलाई कार्डिफ सिटीमाथि ३–० गोलको जित दिलाए ।
त्यस्तै लेष्टर सिटीले ब्राइटनलाई २–१ गोलअन्तरले पराजित गरेको छ । अर्को खेलमा न्युक्यासलले बर्नेलीलाई २–० गोलअन्तरले पराजित गर्दा हडर्सफिल्डले वोल्भेसलाई १० गोलअन्तरले पराजित गरेको छ ।
