भारतीय विंग कमान्डर अभिनन्दन पाकिस्तानबाट फर्किएपछि अस्पतालमा उपचारका लागि भर्ना भएका छन् । अभिनन्दनलाई भारतीय वायुसेनामा पठाउनु अघि उनलाई ‘सामान्य’ गर्ने कोसिस गरिँदै छ ।
पाकिस्तानी सेनाले अभिनन्दनलाई ६० घण्टासम्म नियन्त्रणमा लिएको थियो । अभिनन्दनको फाइटर प्लेनलाई नियन्त्रण रेखा पारी पाकिस्तानले खसालेको थियो र उनलाई नियन्त्रणमा लिएको थियो ।
३५ वर्षका अभिनन्दनलाई शुक्रबार राती सबैभन्दा पहिले एयर फोर्स सेन्ट्रल मेडिकल लगिएको थियो । त्यहाँ उनको शारिरिक र मानसिक स्थितीबारे परीक्षण भएको थियो । त्यसपछि उनलाई रिसर्च एण्ड रेफरल अस्पतालमा भर्ना गरियो ।
अस्पतालमै भारतीय रक्षामन्त्री निर्मला सीतारमणले शनिबार अभिनन्दनलाई भेटेकी थिइन् । सरकारको दुई सूत्रमन अनुसार अभिनन्दनले पाकिस्तान हिरासतमा मानसिक उत्पीडनको सामना गर्नुपरेको थियो ।
अभिनन्दनलाई जुन दिन पाकिस्तानले भारतलाई सुम्पिएको थियो त्यो दिन उनको एउटा भिडियो बनाइएको थियो । उक्त भिडियोलाई पाकिस्तानको प्रोपागान्डा भिडियो बताइएको छ ।
अभिनन्दनलाई वरिष्ठ डाक्टरको समूहले परीक्षण गरिरहेका छन् । अधिकारीले अहिलेका लागि उनको स्वास्थ्यलाई प्राथमिकता दिइएको बताएका छन् ।
