खस्यौली । प्रदेश नं ५ को प्रदेशसभाले प्रदेशसभा सदस्य उत्तरकुमार ओलीको निधनप्रति आज एक शोक प्रस्ताव पारित गरेको छ । सदस्य ओलीको सडक दुर्घटनामा भएको निधनले प्रदेशसभालाई अपूरणीय क्षति भएको भन्दै सभामुख पूर्णबहादुर घर्तीले शोक प्रस्ताव पारित भएको घोषणा गरे ।
दाङको निर्वाचन क्षेत्र नं ३ (२) बाट निर्वाचित प्रदेशसभा सदस्य ओली माघ २३ गते सडक दुर्घटनामा परी गम्भीर घाइते हुनुभएको र ललितपुरस्थित मेडिसिटी अस्पतालमा उपचार हुँदाहुँदै उनको निधन भएको थियो । त्यसैगरी सङ्घीय सरकारका संस्कृति, पर्यटन तथा नागरिक उड्डयनमन्त्री रवीन्द्र अधिकारीसहित सात जनाको हेलिकप्टर दुर्घटनामा भएको निधन र स्व ओलीको स्मरणमा प्रदेशसभामा एक मिनेट मौनधारणसमेत गरिएको थियो ।
