काठमाडौँ । दक्षिण अफ्रिकाका लेग स्पिनर इमरान ताहिरले सन्यास लिने भएका छन् । भारतीय सञ्चार माध्यमहरुका अनुसार ताहिरले इंग्ल्यान्ड र वेल्समा हुने विश्वकप क्रिकेटपछि सन्यास लिने घोषणा गरिसकेका छन् ।
ताहिरले टि–२० क्रिकेटबाट सनयास नलिएपनि इंग्ल्यान्ड र वेल्समा २०१९ को मे ३० देखि जुलाई १४ तारिखसम्म आयोजना हुने आईसीसी विश्वकपपछि एकदिवसीय अन्तर्राष्ट्रिय क्रिकेट करिअरबाट सन्यास लिने छन् ।
३९ वर्षीय ताहिरले एकदिवसीय क्रिकेटमा सन् २०११ मा राष्ट्रिय टोलीमा डेब्यु गरेका थिए । उनले ९५ एकदिवसीयमा १५६ विकेट लिएका छन् ।
