काठमाडौँ । ला लिगा लिडर बार्सिलोनालाई हराउँदै जिरोनाले स्पेनिस सुपर कोपा डे क्याटलुनियाँ फुटबलको उपाधि जितेको छ ।
स्पेनको क्याटलुनियाँस्थित नोभा सेरु आल्टा रंगशालामा बिहीबार भएको फाइनल खेलमा जिरोनाले बार्सिलोनालाई १–० अन्तरले हराएर उपाधि जितेको हो । जिरोनाको जितमा खेलको ६९औं मिनेटमा क्रिस्टियन स्टुआनीले पेनाल्टीमा गोल गरेका थिए ।
त्यसपछि खेलमा बाँकी समयमा दुवै पक्षबाट कुनै गोल नभएपछि जिरोनाले सोही अग्रता जोगाएर खेल १–० ले जित्यो ।
यो अफिसियल प्रतियोगिता नभएकाले बार्सिलोनाको टोलीमा अधिकांश दोस्रो रोजाइका खेलाडी खेलाइको थियो ।