नयाँदिल्लीः भारतीय चुनाव अायाेगले लाेकसभा निर्वाचनकाे मिति अाइतबार घाेषणा गरेकाे छ । यसपटक सात चरणमा भारतकाे चुनाव हुनेछ । मे २३ तारिखमा चुनाव परिणाम घाेषणा हुने अायाेगले जनाएकाे छ ।
चुनावमा यस पटक ९० कराेड मतदाता रहेका छन् ।
अप्रिल ११ मा हुने पहिलाे चरणकाे चुनावमा २० राज्यमा ९१ स्थानका लागि मतदान हुनेछ । दाेस्राे चरण अप्रिल १८ मा हुनेछ जहाँ १३ राज्यमा ९७ स्थानका लागि मतदान हुँदैछ । तेस्राे चरण अप्रिल २३ (१४ राज्यमा ११५ सिट), चाैथाे चरण अप्रिल २९ (९ राज्य ७१ सिट), पाँचाैं चरण मे ६ (७ राज्य ५१ सिट), छैटाैं चरण मे १२ (७ राज्य ५९ सिट) र साताैं चरण मे १९ (८ राज्य ५९ सिट) मा मतदान हुनेछ ।
भारतमा लाेकसभामा कूल ५४३ स्थान रहेकाे छ ।
हालकाे लाेकसभाकाे कार्यकाल जुन ३ तारिखमा समाप्त हुँदैछ । सन् २०१४ मा प्रधानमन्त्री नरेन्द्र माेदीकाे अगुवाइमा भारतीय जनता पार्टीलाइ भारी बहुमत प्राप्त भएकाे थियाे । भाजपालाइ उक्त चुनावमा २८२ सिट प्राप्त भएकाे थियाे । जबकी भाजपा सहितकाे एनडीए गठबन्धनलाइ कूल ३३६ सिट प्राप्त भएकाे थियाे ।
भारतकाे राजनीतिमा सबैभन्दा बढी सत्तामा रहेकाे भारतीय राष्ट्रिय काँग्रेस उक्त चुनावमा नराम्राेसँग पराजित भएकाे थियाे । काँग्रेसले केबल ४४ सिट जितेकाे थियाे । काँग्रेसले संसदमा विपक्षी दलकाे मान्यता समेत पाउन सकेकाे थिएन । संसदमा विपक्षी दलकाे मान्यता प्राप्त गर्न १० प्रतिशत सिट प्राप्त गर्नु पर्दछ ।
चुनाव अाचार संहिता लागू भएकाले अब माेदी सरकारले कुनै पनि नीतिगत निर्णय लिन पाउने छैन ।