बलिउडमा कलाकार गुल्सन ग्रेबर अहिले नेपालमा छन् । उनी अभिनित नेपाली चलचित्र ‘द म्यान फ्रम काठमाडौं’को प्रिमियरमा सहभागी हुन नेपाल आएका हुन् ।बलिउडमा ब्याड म्यानको नामले परिचित उनले नेपाल आउदा खुशि लागेको बताएका छन् ।
बिहीबार सम्पन्न प्रिमियरमा गुल्सनले नेपालीमा नै बोले, ‘नमस्ते, मलाई नेपाल आउँदा धेरै खुसी लागेको छ ।’
उनले भने, ‘नेपाली चलचित्रको इतिहासमा पहिलो पटक बलिउड, हलिउडदेखि नेपाली कलाकारसम्मको अभिनय रहेको छ । नेपालमा रहेर हलिउड स्तरको चलचित्र निर्माण भएको छ । त्यसैले पनि यस चलचित्रले नेपाली चलचित्रको स्तर बढाउने छ ।’
चलचित्र ‘द म्यान फ्रम काठमाडौं’ ५ करोड लगानी बनेको नेपालमा सुटिङ भएको पहिलो अङ्ग्रेजी फिल्म हो । पेमा धोन्डुपको निर्देशन रहेको फिल्ममा बलिउड कलाकार गुलशन ग्रोवर, आना शर्मा, शिशिर बाङ्देल, अमेरिकी अभिनेता जोसे म्यानुअल, पाकिस्तानी अभिनेता हमिद शेख, नेपाली कलाकारहरु कर्मा शाक्य, नीर शाह, आमिर गौतमलगायतको अभिनय छ ।
फिल्मले अतिवादी सोच भएको एक हिन्दु–मुस्लिम युवकको मनोवैज्ञानिक र भौतिक यात्राको कथा बोल्ने निर्माण युनिटले जनाएको छ ।
