काठमाडौँ । पाकिस्तानको प्रधानमन्त्री इमरान खानले मन्त्रीको भन्दा पनि कम तलब खाने गरेको खुलेको छ ।
पाकिस्तानी मिडियाका अनुसार प्रधानमन्त्री खानको महिनाको दुई लाख एक हजार पाउने गरेको खुलासा गरेको हो । जियो न्यूजको रिपोर्ट अनुसार खानको तलब मन्त्रीको भन्दा पनि कम हो ।
जियोका अनुसार फेब्रुअरी २०१९ महिनामा जारी गरेको सूचना अनुसार तलब करबाहेक खानले हरेक महिना एक लाख ९६ हजार ९ सय ७९ रुपैयाँ पाउँछन् ।
उनले पाउने सबै भत्ता संलग्न गर्ने हो भने इमरानले मासिक दुई लाख एक हजार पाँच सय ७४ पाउँछन् । जसमध्ये चार हजार पाँच सय ९५ करमा जान्छ ।
उनको तुलनामा उनका मन्त्रीहरुले दुई लाख पचार हजारसम्म तलब थाप्छन् । पंजाबका मुख्यमन्त्रीको तलब तीन लाख ५० हजार भएको जियो टिभीले बताएको छ ।
