काठमाडौं-निजी क्षेत्रको सबैभन्दा ठूलो विमान सेवा प्रदायक बुध्द एयरले आफ्नो १२ औं जहाज एटिआर ७२–५०० भित्र्याएको छ ।
फ्रान्सको टुलुजस्थित एटीआर कम्पनीद्वारा निर्मित जहाज भित्र्याएको बुद्ध एयरले जनाएकाे छ ।
नाइन एन एएमवाई कलसाइन रहेको नयाँ जहाजसँगै अब बुद्ध एयरसँग सात वटा एटिआर ७२–५००, तीनवटा एटिआर ४२–३२० र दुईवटा बीचक्राफ्ट १९०० डी हुनेछन् ।
नयाँ जहाजको उडान अर्को महिनाबाट हुने बुध्द एयरले जनाएकाे छ । बुध्दले आगामी जेठ १३ बाट एटिआर ७२–५०० बाट भारतको कोलकोता पनि उडान भर्नेछ । भारतीय तथा नेपाली यात्रुको लागि हवाईटिकटसहित विभिन्न धार्मिक तथा पर्यटकीय प्याकेजको पनि व्यवस्था गरेको छ ।
